Коштавылы авылында туып-үсеп, хәзерге көндә Казан шәһәрендә гомер итүче Наил Гарифулла улы Галиуллин 10 апрельдә 60 яшьлек олугъ юбилеен каршылады

30 елдан артык Казанда яшәсә дә, Наил абый үз туган ягы, туганы авылы өчен җан атып торучы игелекле шәхес, үзе укып чыккан Кильдураз мәктәбенең якын дусты, иганәчесе ул. Аның кылган матур гамәлләре күпләргә үрнәк булып тора.

Наил Гарифуллович! Сезне чын йөрәктән гомер бәйрәмегез белән тәбрик итәбез. Хезмәтегездә яңа үрләр, зур уңышлар юлдаш булсын, тирә-юньдәгеләргә кешелеклелек үрнәге күрсәтеп, сау-сәламәт булып, тигезлектә, кылган яхшылыкларыгыздан канәгатьлелек тоеп, озын гомерләр яшәргә насыйп итсен сезгә.

Иң изге теләкләр белән – Коштавылы авыл җирлеге, Кильдураз мәктәбе, мәдәният йорты коллективлары.