Популяр блогер Илүзә бармаксыз кала язган

  Ул Мәскәүгә китәргә җыенганда гына кул бармагын нык итеп кискән. Бармактан киткән канны үзенә һәм апасына туктатырга туры килгән. Бу хакта ул социаль челтәрдәге сәхифәсендә хәбәр итә.

Самолетка соңга калмас өчен, блогер шул килеш Мәскәүгә очкан. Анда травмпунктка кереп, бармагын тектергән. Яра бик тирән, шул сәбәпле, Казанга кайткач, тикшерергә кирәк булачагын искәрткәннәр.

Хәзер блогерның кулына гипс куйганнар, аңа операция булырга тиеш.

Илүзә күптән түгел генә Мәскәүдә күкрәкләрен кечерәйтү өчен операция ясаткан иде.

_{Чыганак:https://intertat.tatar/news/populyar-bloger-iluza-barmaksyz-kala-yazgan-5873218}

_{Фото: Илүзә Галиәхмәтованың социаль челтәрдәге сәхифәсеннән}