Тукай районында трассада фаҗига – гаилә башлыгы һәлак, хатыны һәм баласы хастаханәдә

    Беренчел мәгълүматлар буенча, «Geely» автомобиле йөртүчесе идарәне югалткан һәм юл читендәге тавыштан саклаучы экранга бәрелгән.

  Машина йөртүче ир-ат фаҗига урынында, медицина хезмәткәрләре килгәнче, һәлак булган. Аның белән бергә машинада 49 яшьлек хатыны һәм 9 яшьлек улы булган. Алар хастаханәгә озатылган.

  «Тикшерү оештырылды, булган хәлнең сәбәпләре һәм шартлары ачыклана. Тикшерү барышын һәм нәтиҗәләрен район прокуратурасы контрольдә тота», – дип хәбәр иткәннәр Тукай районы прокуратурасында.

_{Чыганак:https://intertat.tatar/news/tukai-raionynda-trassada-faiga-gaila-baslygy-halak-xatyny-ham-balasy-xastaxanada-5871590}

_{Фото: Тукай районы прокуратурасы}