Апаста бер көндә ике салмыш шоферга беркетмә төзелгән

(28 январь, “Апастово-информ“).

24 январь көнне иртәнге сәгатьләрдә уздырган рейд вакытында ЮХИДИ хезмәткәрләре исерткечләр кулланган ике салмыш шофер белән очраша.

“1987 елгы күрше район егете “Лада-Калина“ машинасы белән, 1980 елгы ир-егет “ГАЗель“ машинасы белән юлга чыккан. Ләкин алар салмыш халәттә руль артына утырып ялгышты. Шоферларның эше судка җибәрелде. Хәзер 30 мең сум күләмендә штраф түләргә, 1,5 елга транспорт йөртү хокукыннан мәхрүм ителергә мөмкин“, – ди ЮХИДИ бүлеге җитәкчесе Румбик Гәрәев.