Волейбол җиңүчеләрне ачыклады

Апас урта мәктәбенең спорт залында мәктәп укучылары командалары арасында волейбол ярышлары үтте. Кызлар арасында беренче урынны Апас урта мәктәбе, икенче урынны - балалар һәм яшүсмерләрнең спорт мәктәбе командасы, өченче урынны - Чирмешән мәктәбе командасы яулады. Иң яхшы уенчы булып Апас урта мәктәбе командасыннан Адилә Яруллина танылды. Аңа тренер һәм ярышның баш судьясы Рәмис Гыйззәтов үзенең махсус бүләген тапшырды һәм барлык җиңүчеләргә дә истәлек медальләре булдырган балалар һәм яшүсмерләрнең спорт мәктәбе тренеры Ринат Шәяхмәтовка рәхмәтен ирештерде. Егетләр арасында беренче урында - Апас, икенче урында - Каратун, өченче урында Биеш мәктәбе командалары.