Апас китапханәсе коллективы районның паспорт-картасын әзерли

Апас балалар китапханәсе коллективы Апас районының әдәби паспорт-картасын әзерләүгә актив кушылды. Аларга музей, үзәкләштерелгән китапханәләр системасы хезмәткәрләре дә булыша. Китапханә хезмәткәрләре Алинә Ихсанова, Рузия Хәйруллина һәм җитәкчеләре Гөлинә Муллахмәтова Апас районында туып-үскән, танылган язучылар, шагыйрьләр, әдәбиятта һәм сәхнәдә, сәнгать дөньясында зур өлеш керткән якташларыбыз биографиясен, китапларын барлыйлар, аны компьютерда җыялар.

-Инде шактый мәгълүмат тупладык. Эшнең яртысы гына әле бу. Апасыбыз әдипләр, танылган журналистларга бик бай. Апаслылар язган һәм дөнья күргән китаплар саны гына да 200 дән артып китте,-ди Алинә Ихсанова.