Апас мәктәбе укучысы “Чиста булачак” экологик хәрәкәтенең махсус бүләкләренә ия булган

(2 апрель, “Апастово-информ”).

“Чиста булачак” экологик хәрәкәте, “Стрела” экоотряды активисты Регина Гыйбадуллина “Минем экойортым“ республика онлайн марафонында катнашып, җиңүче булып танылган һәм бүләкләргә ия булган иде.
Онлайн форматта узган “Минем экойортым“ республика бәйгесенең бүләкләү тантанасында да ул “Чиста булачак” экологик хәрәкәте тарафыннан оештырылган уйнатуларда катнашып, махсус бүләкләр алган. Бу хакта аның остазы, Апас мәктәбенең география укытучысы Лилия Вәлиева белдерде.
“Регина экологик бәйгеләрдә бик теләп катнаша. Әйләнә-тирәбезне, табигатебезне саклауга багышланган төрле проект эшләре яклый. Ул безнең “Стрела” экоотрядыбызның да иң актив әгъзасы булып тора. Регинага киләчәктә тагын да зуррак уңышларга ирешергә насыйп булсын”, - диде Лилия Вәлиева.