Апас районы башлыгы үз тавышын бирде

Район башлыгы Рәшид Заһидуллин 906нчы Каратун Үзәк сайлау участогына килеп, үз тавышын бирде.

- Бүген чын мәгънәсендә бәйрәм көне. Без Дәүләт Думасына депутатлар сайлыйбыз. Нәкъ менә 18 сентябрь көне безнең киләчәктәге сәясәтне - республиканың, районның үсеш юнәлешен билгеләячәк. Сайлау участокларына халык актив килә. Барысы да бәйрәмчә рухта. Бу шулай булырга тиеш тә, - дип ассызыклады район башлыгы.

Райондашлар сайлауларга бердәм киләләр. Һәр сайлау участогында бәйрәм рухы сизелә. Килүчеләргә кайнар чәй, коймак тәкъдим ителә, теләүчеләр концерт карый.