Апас җыелма командасы - өченче!

Апастово-информ, 8 май 2019 - 14:22

1248

Бөек Җиңүнең 74 еллыгына багышланган чаралар комплекслы программасы буенча 7 майда Апаста республиканың сәламәтлек саклау учреждениеләре арасында үткән җәйге Спартакиадада безнең район табиблары бик тә лаеклы рәвештә өченче урынга чыкты.

Соңгы унбиш елда Апас җыелма командасы мондый төр спорт ярышларында бер тапкыр да призлы урыннар яуламавы билгеле. Котлыйбыз һәм табибларыбызга киләсе елда спортта тагын да югарырак уңышлар телибез.