Апаста брусчаткалы тротуарлар тагын 3 километрга озынаячак

Апас эчендә Муса Җәлил, Кызыл Армия, Ленин урамнары, Яшьләр микрорайоны, Табар күпере, аграр көллият тулай торагына кадәр бару юл читенә салынган тротуарлар җәяүлеләрнең иминлеген кайгырта. Шундый ук брусчаткалы тротуарлар Апастан Әнәле борылышына кадәр дә төзеләчәк. Аның гомуми озынлыгы 3 километрга якын булачак. Татарстан Президенты Рөстәм Миңнеханов Апаста шундый төзекләндерү, матурлау эшләре күләмле булуын, республика бу юнәлештә безгә тагын да бик теләп ярдәм итәчәген белдергән иде. Бу аның май аенда Апаска эшлекле визиты кайтавазы.

Ришат Җамалиев.