Апаста почта хезмәткәрләре белән очрашу

Район башкарма комитеты җитәкчесе Алмаз Гыйбадуллин район почта хезмәткәрләре белән очрашты. Сүз, нигездә, вакытлы матбугатка язылу кампаниясе турында барды.

- Район газетасы "Йолдыз"ны һәркем яратып укый. Авыл кешеләренә газетага үзвакытында язылуны тәэмин итү дә, вакытында тарату да сездән тора. Халык арасында булып, аңлату эшләрен даими алып барыгыз. Авыл кешесе район яңалыкларын да, республика хәбәрләрен дә үзвакытында белеп барсын. Бер-беребез белән аңлашып эшлик, сәламәт булыгыз, - диде Алмаз Гыйбадуллин.

Гүзәл Хилавиева.

Автор фотолары.