Апаста Ринат Миначев гаиләсе ифтар ашы уздырды

(16 апрель, "Апастово-информ).
Районыбызның хөрмәтле эшмәкәре Ринат Миначев һәм аның гаиләсе тарафыннан ифтар мәҗлесе уздыру матур традициягә әверелде. Киң күңелле иганәче изге ният белән мул табыннар артына ураза тотучы апаслыларны, дин кардәшләребезне җыйды, сый-нигъмәтләр белән сыйлады. 
"Ифтар мәҗлесенә килгән апаслылар үтемле вәгазьләрен тыңлап, моңлы азан тавышларыннан соң авыз ачтылар. Ил-көннәргә тынычлык, имин тормыш, теләп дога кылдылар.  Ринат Миначевка һәм аның гаиләсенә  бәхет һәм уңышлар теләделәр",-дип хәбәр итте шәһәр тибындагы Апас поселогы башкарма комитеты җитәкчесе Луиза Сафина.