Апаста үрнәк парларны хөрмәтләү дәвам итә

(29 декабрь, “Апастово-информ”).

Югары Балтай авылында яшәүче Венат һәм Фәһимә Закировлар Алтын туйларын билгеләп үткән.
“Венат абый гомер буе җаваплы урыннарда эшләде. Кырчылык, механизаторлар бригадиры вазифаларын башкара. Фәһимә апа мәктәптә техник хезмәткәр булып хезмәт итте. Намуслы һәм тырыш хезмәт ияләре”, - ди Урта Балтай авыл җирлеге башлыгы Илфир Гәрәев.
Закировлар 10 балага гомер бүләк итеп, аларга дөрес тәрбия, белем биргән, һөнәр сайларга булышкан. Балалар республиканың төрле шәһәрләрендә, районыбызның төрле авылларында яшиләр һәм хезмәт итәләр.