Апаста волейболчылар ярышты

Апас мәктәбе спорт залында район ир-егетләр командалары арасында район беренчелегенә волейбол турниры бара. Район хакимияте, район эчке эшләр бүлеге, район мәгариф бүлеге һәм Апас балалар һәм яшүсмерләр спорт мәктәбе ир-егетләре җыелма командалары арасыннан иң көчлеләр ачыкланачак һәм җиңүчеләр медальләр, Грамоталарга лаек булачак.

-Районда волейбол бик популяр спорт төре,-ди ярышларның баш хөкемдары Рәмис Гыйззәтов. -Иң көчле спортчылардан район командасын туплаячакбыз. Зона, Татарстан волейбол ярышларында призлы урыннар яуларга исәп тотабыз.

Ришат Җамалиев.