Ашламасыз басу уңышы югары булмый

Быелгы язгы кыр эшләренә район күләмендә физик авырлыкта барлыгы 2000 тонна минераль ашлама тупланды. Тәэсир итү микдарендә (д.в) барлыгы 4000 тонна дигән сүз бу. Быел 1 гектарга уртача 60 килограмм ашлама кертеләчәк. Бу күләмнең 52 килограммын хуҗалыклар, фермерлар үз хисапларыннан алды, 8 килограммы бюджет хисабыннан дәүләт ярдәме буларак кулланылачак.

Бу саннар узган елгыдан шактыйга артык. Бөртекне җиргә ашламасыз чәчү уңышка тискәре тәэсир итүен һәр игенче яхшы аңлый бүген.

-Район күләмендә чәчү вакытында һәм үсемлекләрне тамырдан тукландыру өчен барлыгы 56 агрегат исәпләнә һәм алар быел интенсив, дөрес итеп кулланылырга тиеш,-ди районның баш агрономы Нияз Гыйсмәтуллин.