Бәйрәм көннәре хәвефсез узсын

(1 нче гыйнвар, "Апастово-информ").
Район буенча һәрбер оешмаларда дежурлар билгеләнгән.
"Без бәйрәм көннәрендә көчәйтелгән режимда эшлибез. 31 нче декабрь көнне мунча яна дигән хәбәр керде. Ләкин бу янгын зур зыян китермәде, тиз арада сүндерелде. Мунча якканда райондашлар сак булсыннар иде. Юлларда һәлакәтләр теркәлмәде. Бәйрәм яллары күңелсезлекләрсез генә узсын иде",-диде район гадәттән тыш хәлләр бүлеге җитәкчесе Павел Тихонов.