Булмас димә! Энекәше абыйсының машинасын “уралаган“

Районның бер авылында энекәше сорамыйча гына абыйсының машинасын алып китә. Әлеге машина белән күрше авылга бара һәм саксызлыгы аркасында баганага бәрелә. Үзенең гаебен яшерер өчен ул эз бутарга керешә. Юлда машинаның магнитофонын алып ата. Өйгә кайтып, машинаның тәрәзәсен ватуларын һәм магнитофонын уралуларын белдерә. Әлбәттә инде, каракларны табу өчен полициягә мөрәҗәгать итәләр. Тикшерү эшләре барышында җепнең чуалган очы бик тиз табыла.
Район эчке эшләр бүлегеннән алынган мәгълүматларга караганда, хәзерге вакытта тикшерү тәмамланган, эш судка җибәрелгән.