Чирмешән авыл җирлегендә тантаналы митинг булды

Чирмешән авыл җирлегенә кергән Чирмешән, Аюкөйдергән, Багыш авылларында һәйкәл янында "Мәңге хәтердә" дип аталган тантаналы митинглар булды. Митингта мәктәп укучылары, укытучылар, тәрбиячеләр, бакча балалары, тантанага килә алган бердәнбер ветераныбыз Фәсхиев Фәһим абый, җитәкчеләр, кураторыбыз - "Йолдыз" газетасы мөхәррире Хилавиева Гүзәл, мәдәният хезмәткәрләре, авыл халкы катнашты. Бәйрәм чаралары бик оешкан төстә, мәгънәле, матур булды. Укучыларның, бакча балаларының да чыгышлары бик эчтәлекле булды. Ветераныбыз Фәсхиев Фәһим абыйның чыгышын барыбыз да яратып, йотлыгып тыңладык. Әле тагын күп еллар шушындый матур бәйрәмнәр үткәрергә, ветераннарыбызның чыгышын тыңларга насыйп булсын иде.