Эшләмәгән пенсионерларның пенсиясе 26 мең сумга кадәр артачак

Эшләмәүче пенсионерлар, түләүләр 22,1 процентка артканнан соң, уртача 26,6 мең сум алачак.

Мондый индекслау күрсәткеченә өч ел эчендә ирешеләчәк.

2024 елда түләүләр 1 гыйнвардан 7,5 процентка артачак. Пенсиянең уртача күләме 23,2 мең сум тәшкил итәчәк, дип белдерде Финанс министрлыгы башлыгы Антон Силуанов.

Ә 2025 елдан индекслау елына ике тапкыр булачак. 2025 елның 1 февраленнән пенсияләрне 4 процентка гына күтәрергә вәгъдә итәләр, ә 1 апрельдән тагын 3,8 процент өстәячәкләр. 2026 елда шул ук даталарда түләүләр 4 һәм 2,8 процентка күтәреләчәк.

Әгәр Икътисади үсеш министрлыгының инфляция буенча исәпләүләре дөрес булып чыкса, күрсәтелгән дәрәҗәгә күтәрелү узачак. Министрлыкта инфляциянең 2024 елда 4,5 процентка кадәр, 2025-26 елларда 4 процентка кадәр кимүен көтәләр.

Әгәр бәяләр арту югарырак булса, Хөкүмәт февраль аенда ике индекслауны арттырырга карар итә ала.

Чыганак: кызылтан