Гүзәл әниләр физик яктан да үзләренең җитез, нык булуларын күрсәтте

(25 ноябрь, “Апастово-информ”)

Әниләр урыннан ераклыкка сикерү, җирдән куллар белән этенү буенча мөмкинлекләрен сынадылар. Аларга нәни балалары да кушылды.
“Әни – гаиләдә үрнәк кеше. Ул физик яктан да актив, нык булырга тиеш. Баласын да шул рухта тәрбияләргә бурычлы. Безнең әниләр моны исбатлады. ГТО нормативларын уңышлы тапшырдылар”, - дип белдерде райондагы “Хезмәткә һәм оборонага әзер” Бөтенроссия физкультура-спорт комплексын тормышка ашыру буенча белгеч Марсель Хисамов.