Халыкныкына дәүләтнекен өстәп

-Татарстанкүләм "Чиста су" программасына үткән Тутай авылында быел бик зур эш башкардык,-ди шушы авыл җирлеге башлыгы Наилә Насретдинова.-Авылыбызның Сара Садыйкова, Ворошилов, Әхтәмов, Такташ һәм 1 май урамнарында 4 километр озынлыкта яңа суүткәргечләр салдык. Беррәттән янгын сүндерү машиналары өчен 9 җирдә махсус гидрантлар куеп калдырылды. Бу эшне башкарган төзүчеләргә авыл халкы бик зур рәхмәтле бүген. Тагын бер зур төзелешкә алынырга җыенабыз-үзара салым акчасына дәүләнекен дә кушып, авыл уртасындагы бик таушалган күперне дә яңабаштан салачакбыз.

Ришат Җамалиев.