Иң озын толымлы Апас кызын бергәләп ачыклыйк!

Кызлар элек-электән чибәрлекләре, тыйнак-уңган, озын толымлы булулары белән дан тотканнар! Хатын-кызларның матурлыгы, хәтта акыл дәрәҗәсе озын чәч толымнары белән үлчәнгән. Озын чәчле кызлар элек тә, хәзер дә ихтирамга лаек. Бармы икән озын чәч толымнары үстереп, аның белән горурланучылар? Әйдәгез, бергәләп ачыклыйк! "Йолдыз" газетасының www.apastovo.ru сайты "Чәчем озын-билемнән!" бәйгесе игълан итә. Чәчегезнең озынлыгын күрсәткән фотоларны безгә юллагыз! Иң озын толымлы Апас кызын бергәләп ачыкларбыз! Җиңүчеләрне чәчтарашка сертификатлар көтә!