Каратун авылында янгын. Авыру ир-атның гомере өзелгән

2 март көнне 6 сәгать 43 минутта районның янгын сүндерү бүлегенә Каратун авылында торак йортта янгын чыгуы хакында хәбәр килә. Янгынны күршеләре күрә. 6 сәгать 51 минутта янгын сүндерү машиналары килеп җитеп, хезмәткәрләр утны йөгәнләү эшенә керешә. Әлеге йортта ялгыз ир-ат яшәгән. Ул авыру сәбәпле урында яткан. Янгын вакытында аның гомере өзелгән. Хәзерге вакытта янгынның сәбәпләрен тикшерү эшләре бара. Янгын сүндерүчеләр сүзләренә караганда, утның ир-атның тәмәке тартуыннан чыккан булырга мөмкинлеге фаразлана.