Каратун укучылары батырларны искә алды

Бүген Каратун мәктәбенең 9 сыйныф укучылары (сыйныф житәкчесе Сәвия Тимершина) әфганчыларны искә алу максатыннан Апаска килделәр. Иң элек "Сәләт" балалар иҗаты үзәгендәге Дан музеенда булдык. Әгьзам абый Хәмидуллин музей белән таныштырды, күңелләргә үтәрлек итеп сөйләде. Аннары бөек шагыйребез Муса Жәлилне искә алып (туган көне унаеннан) аның бюстына чәчәкләр куйдык. Шулай ук әфганчыларыбыз һәм чечняда хезмәт иткән егетләребез хөрмәтенә куелган истәлек такталарына да тере чәчәкләр салдык.