Казан заводы Апаста үз кафесын ачты

Татарстан сыра җитештерүче заводлары өлешчә үз хисапларыннан шәһәр һәм район үзәкләрендә барлыгы 82 җәйге кафе ясауда бик актив булдылар. Ябык, ачык һавадагы мондый җәйге кафеларның берсе Апасның "Апас таңнары" рестораны каршында корылды. Ул замана дизайныннан калышмый, бик иркен һәм җайлы анда. Шартлар буенча бу җәйге кафеда шушы заводта җитештерелгән сыра гына сатылырга тиеш дип билгеләнгән. Тиешле җиһазлар комплектын да Казан сыра заводы куя. Бу җәйдә танымаслык булып үзгәргән, затлы таш күлмәк кигән ресторан бинасы да бүген район үзәгенең бик күркәм бер бинасы булып санала. Челтәрле тарантас, затлы шарлавык-фонтаннар, төнге утлар, яңа брусчаткалы тротуарлар да бик зәвыклы итеп эшләнгән. Яңа гына биредә чит илләрдән, Россия, Татарстан төбәкләреннән килгән галимнәр, белгечләр, җитәкчеләр катнашында үткән үсемлекләрне саклау һәм саклау, агротехнология яңалыкларына багышланган зур семинар-укуда катнашучы дәрәҗәле кунаклар да бу матурлыкка соклануларын белдерделәр.

Ришат Җамалиев.