Кибеттәге сыра законлымы-тикшереп кара

Хәзер сыра да акцизлана, аны да ЕГАИС системасы аша теркиләр. Бер үк вакытта, ел башыннан аны заводларда 1,5 литрлыдан артык сыешлыклы пластик шешәләргә тутырып чыгарырга, ваклап сату нокталары киштәләренә куярга да ярамый. Моны махсус хезмәтләр даими тикшерә. Ел башыннан район сәүдә нокталарыннан документлары тәртиптә булмаган 100 литрга якын әнә шундый алкогольле эчемлекләр сатудан алынды һәм юк ителде. Соңгы ике очрак Шәмәк белән Чүрибураш авылларындагы кибетләргә бәйле.

Ришат Җамалиев.