Коштавылы фермасында 8 кешелек коллектив елга 1000 баштан артык терлек үстерә

"Зөя" агрофирмасының Коштавылы бүлекчәсендә ел саен 1000 баштан артык терлек интенсив симертү конвейеры аша үтә. Уртача көнлек үсешләре 1 килограмм чамасы.
- Хәзер техника заманы бит, - ди 8 генә кешелек коллектив җитәкчесе, ферма мөдире Флера Вәлиева. - Илдар Насыйбуллин, Азат Галиев, Илфат Сәхәбиев бар эшне дә вакытында һәм сыйфатлы итеп башкаралар. Рәдиф Вәлиев, Флера Вәлиева, Илдус Насыйбуллин, Фәнис Шәрәфетдинов эшләре дә үзләре кебек көлеп тора. Бергә һәм бердәм эшләсәк кенә хезмәт уңышларыбыз тагын да югарырак булачак.
Ришат Җамалиев.