«Мәтрүшкәле чәй» тамашачыны ял иттерде

(13 май, “Апастово-информ”).

Айгөл Гаязетдинова әсәре буенча куелган "Мәтрүшкәле чәй" спектаклендә һәрбер артист үз ролен оста итеп, күңел биреп башкарды.
“Тамашачылар тарафыннан яңгыраган көчле алкышлар, җылы сүз, изге теләкләр чыгышыбызның халык күңеленә үтеп, төп эчтәлеген тулысынча ачып бирә алганбыз дигән нәтиҗәгә китерә. Катнашучы һәрбер артистыма олы рәхмәтемне җиткерәм”, - диде Олы Бакырчы мәдәният йорты мөдире Ландыш Моталлапова.
Районда театр фестивале дәвам итә. Һәр мәдәният йорты үз чыгышын тәкъдим итә.