Әниемнең төсе итеп саклыйм мин аны

Зур Күккүз авыл китапханәчесе Галия Җәләлиева башлангычы белән авыл Мәдәният Үзәгендә моннан 5 ел элек оешкан "Серле дөнья" балалар курчак театрында бүген чираттагы спектакльгә әзерләнәләр. Актерлар Рунис Галиуллин, Илмир Җәләлиев, Илһам Шакиров, Раилә Хантимерова, Айгөл Яруллина һәм Гүзәл Камалова курчакларны ясау, киендерүдә үзләре дә катнашалар.

-Кайнанам Флерадан миңа туй бирнәсе кебек күчкән, моннан ярты гасыр элек СССР заводларында ясалган тегү машинама эш бик күп,-ди китапханәче. -Курчакларга гына түгел, төрле смотр-конкурсларда район, Казан сәхнәләрендә дә бик уңышлы чыгыш ясаучы мәктәбебез биючеләренә, китапханә каршында инде ун ел бик җайлы гына эшләп килүче "Ак калфак" кул эшләре түгәрәгендә шөгыльләнүчеләр өчен дә бик күп киемнәр тектем инде мин аның белән,-ди китапханәче. Кайнананам төсе итеп саклаган бу тегү машинасына эш җитә, иренмәскә, үз хезмәтеңне яратырга гына кирәк.

Галиянең тырышлыгы җитеп ашкан. Ул балалар белән бергәләп ясаган Шүрәле курчагы, мәсәлән, район, Татарстан кул эшләнмәләре конкурсында финалга үтте һәм Мәскәү күргәзмәләренең берсенә куелды. Нәтиҗәле хезмәт тә бик югары бәяләнде, китапханә 100 мең сумлык Грантка, затлы фотоаппаратка лаек булды, җиһазлар тулысынча яңартылды.

-Авыл Мәдәният йорты директоры Шәһидә Гыйззәтуллина, җыештыручы Маһинур Салаватова, биредә үк урнашкан авыл җирлеге, фельдшерлык пункты хезмәткәрләре белән бергәләп китапханәче Галия үстергән 30 төрле, бер йөзгә якын чүлмәкле гөлләр дә бирегә килүчеләрнең кәефләрен күтәрә,-ди Зур Күккүз авыл җирлеге башлыгы Рузия Низамова.

Ришат Җамалиев.