Тормыш сынауларында да сынатма!

Апас егете Илнар Бәширов әле шушы көннәрдә генә бер кочак Рәхмәт хатлары белән Мурманск өлкәсенең Североморск шәһәреннән хәрби бурычын үтәп кайтты. Матрос егет хәрби хезмәткә югары белем - энергетик белгечлеге алганнан соң киткән. Үзе әйткәнчә, бер ел бик тиз үткән. "Армиягә барудан куркып ятучыларны аңламыйм мин. Дөнья күреп, чыныгып кайтасың. Туган ягыңның, якыннарыңның кадерен белергә, тормышны, сагынуны аңларга да менә дигән вакыт бу", - ди Илнар. Әтисе Мөсәлим, әнисе Фирая, абыйсы һәм башка якыннары аның белән чиксез горурланалар.