Райондашларыбыз һәрвакыт күз уңында

Буадагы интернат йортында тәрбияләнүче олы кешеләребезнең сәләмәтлекләрен сорашып, аларны районыбызда узган Сабантуйлары белән котлап вәкилләр барып кайтты. Делегатлар район башкарма комитеты җитәкчесе Алмаз Гыйбадуллин рәислегендә барды.
Олы кешеләргэ пакетлар белән күчтәнәчләр таратылды. Әлеге тәрбия йортына телевизор бүләк ителде. Мәдәният хезмәткәрләре моңлы баян тавышына концерт куйды.
Шушылай үз райондашларын онытмаганнары өчен, һәрдаим күчтәнәчләр белән куандырганнарына олы кешеләребез һәм Буа интернат йорты хезмәткәрләре бик зур рәхмәтләрен җиткерде