Салават Кәримдә ишегаллары яңара

Бүгенге көндә Апасның Салават Кәрим урамында йорт тирәләрен, ишегалларын төзекләндерү эшләре бара. Район башлыгы урынга килеп, эш барышы, аның сыйфаты белән таныша.

Иртәнге җидедән кичке сәгать җидегә кадәр "Волгадорстрой"ның биш техникасы эшли. Юлчылар ишегалдының тирә-якларын билгеләп чыгып, кирәк урыннарын казып, казыган балчыкны башка җиргә урнаштырып тигезләү эшләре белән мәшгуль.

- Әлеге урам ишегалларын төзекләндерәбез. Биредә бик матур бордюрлар куела, газон җәеп, чәчәкләр утырту өчен урыннар калдырып асфальт салыначак, - ди мастер Булат Гусманов. Әлеге эшләр сентябрь аена төгәлләнер дип планлаштырыла.

Гүзәл Хилавиева