Табиб төнге чакырулардагы эше турында: «Мин параноикка охшаган»

Кеше өенә бару, әлбәттә, куркыныч. Анда сине нәрсә һәм кем көтүен белмисең. Дежурлык вакыты алдыннан, үземне бер атна алдан эмоциональ яктан эшкә әзерлим.

Шалтыратуларның 70-80 проценты мәгънәсез дип әйтә алам.

Бәхеткә, минем белән җитди проблемалар килеп чыкканы булмады. Әмма күңелсез хәлләргә гел юлыгып торам. Мәсәлән, пациентның өенә киләсең, ә ул сине үзенең эте белән каршы ала. Эт сиңа карап, квартираны яңгыратып, бертуктаусыз өрә, ә хуҗасы «ул тешләми», ди. Беркайчан да эттән нәрсә көтәсен белмисең.

Кайчагында чакырган җиргә барасың, ә үзләре, ни сәбәпледер, өйдә юк. Төнлә белән аларны урамда көтеп торырга сорыйлар. Еш кына домофоннар эшләми. Аларга эләгү өчен шактый гына тырышырга кирәк, ә моның өчен өстәмә вакыт сарыф ителә.

Авыру табибка яки ашыгыч ярдәмгә мөрәҗәгать итсә, тиешле шартлар тудырырга тиеш. Кызганыч, кайберәүләр моны аңларга теләми һәм безнең эшне катлауландыра. Кайсыдыр өйдә чыннан да табиб ярдәменә мохтаҗ кеше булырга мөмкин, ә без урамда басып торабыз.

Мин төнге чакыруларда параноикка охшаган. Лифтта кеше бар икәнне күрсәм, мин анда кермим. Әгәр подьездда чит тавышлар ишетсәм, лифттан төшеп калам яки кешенең чыгып киткәнен көтәм.

Пациентның өенә килгәч тә, үз артымнан ишекне ябарга ирек бирмим. Һәрчак аларга «узыгыз» дим. Шәхси әйберләремне үз кулымда йөртәм, шкафларына элмим.

Минем иремә дә бик авыр туры килә. Мин эштә булганда, төннәрен йоклый алмыйча чыга. Хәлләремне белешеп, вацабыма язым тора. Чыннан да, безнең тормыш куркынычсызлыгы буенча бернинди гарантия юк. Исән кайтабызмы без бу төнне яки юкмы?

• Параноик (паранойя белән авырый торган кеше) – бу психика бозылуының бер төре, кеше әйләнә-тирә чынбарлыкны башкача күрә. Ул билгеле бер идея белән саташа, буш хыялларны күзаллый.

Фото: https://www.freepik.com/free-photo/male-nurse-tired-after-long-day-work_8011731.htm#query=%D0%B2%D1%80%D0%B0%D1%87%D0%B8%20%D1%83%D1%81%D1%82%D0%B0%D0%BB%D1%8B%D0%B5&position=4&from_view=search&track=ais

Чыганак: https://intertat.tatar/news/oiga-tabib-cakyru-tarixy-pacient-xatyn-kyz-tabiblarny-oennan-cygarmyi-azaplady-5854788