Туристларга юллар катлаулана

(15 октябрь, “Апастово-информ”).

Татарстанның туристлык агентлыклары Ассоциациясе президенты Рамил Мифтахов 2021нче елга туристлар алдындагы йөкләмәләр тулы күләмдә үтәлер дип ышандыра.
“Татарстанда коронавирус белән бәйле вәзгыять, тулаем алганда, ил күләмендә барган вәзгыятьтән аерылмый. Кимендә 50 процент компанияләр эшләрен туктатсалар да, бөтенләйгә үк ябылдылар дип әйтеп булмый”, - дип сөйли Рамил Мифтахов.
Кайбер турларны киләсе елга күчереп, компанияләрнең бер өлеше яңадан эшли башлар, ләкин, кайберләре инде бу бизнеска әйләнеп кайтмас, дигән фикерен белдерә Мифтахов.