Хезмәткәрләр отпускка киткән кеше өчен эшләргә тиешме?

«Эш бирүче ялга киткән хезмәттәшенең вазифаларын да, үз вазифаларын да бергә башкарачак хезмәткәрне сайлый. Әмма бу – бары тик әлеге хезмәткәрнең ризалыгы белән генә мөмкин. Димәк, моңа мәҗбүр итәргә ярамый», – диде Соловьев.

Берьюлы ике эш башкару (совмещение) шартларында эшләүче хезмәткәрнең хезмәт хакына, барлык өстәмәләре белән, окладына өстәп, өстәмә түләү дә каралган.

«Өстәмә түләү күләме хезмәткәр белән эш бирүче арасында төзелгән өстәмә килешүдә күрсәтелергә тиеш. Бу – Хезмәт кодексының 151 нче маддәсе. Ул билгеле бер суммада да, ялга киткән хезмәткәрнең окладыннан процент рәвешендә дә билгеләнергә мөмкин», – дип аңлатты юрист.

_{Чыганак:https://intertat.tatar/news/xezmatkarlar-otpuskka-kitkan-kese-ocen-eslarga-tiesme-5877831}

_{Фото:https://ru.freepik.com/free-photo/side-view-cropped-unrecognizable-business-people-working-common-desk_5839469.htm#fromView=image_search_similar&page=1&position=11&uuid=e0f485c8-06df-495a-9908-010edc3b6fc7&query=}