80 яшьлек җанатар Даимә апа

Даимә Тимеркаевага тиздән 80 яшь тула. Апас бозында еш узучы төрле хоккей ярышларында ул иң өлкән яштәге җанатардыр, мөгаен.
-Оныгым Апасның "Медведи" балалар хоккей командасында уйный. Аның һәр уңышы, көндәшләре капкасына керткән алкасына шатланам. Безгә хәзергедәй шартлар төшкә дә керми иде. Балаларыбыз, оныкларыбызга спорт белән шөгыльләнү өчен Апаста хәзер бик яхшы шартлар булдырылды. Җитәкчеләргә рәхмәт, оныкларыбызның укудан буш вакытлары да файдалы булып үтә. Мин үзем дә яшьтән спорт белән дус булдым. Озын-озак яшәүнең бер сере һәм нигезе-үз сәламәтлегеңне балачактан кайгырту ул,-ди.