Алдан белгән оттырмас

-Россия күләмендә алкогольле эчемлекләр базарын дәүләт көйләвенә беренче адымнар ясалды. Хәзер район үзәгендә алкогольле эчемлекләр белән сәүдә итүче 12 кибет, кафе-ресторанда һәр шешә спиртлы эчемлек ЕГАИС системасы аша теркәлә һәм сатыла. Бу эш тәртибе быелның 1 июленнән рәсми гамәлгә керде. Авыллардагы калган 79 сату нокталарында бу система киләсе елның 1 июленнән гамәлгә керергә тиеш. Көне җиткәч кенә соң булуы ихтимал. Махсус рөхсәте булган авыл сәүдә нокталарында Интернет аша РАР системасына тоташучы яңа типлы касса аппаратларын тест режимында алыштыру, челтәргә ялгау, эшләтеп-сынап карауга керештек. Алдан белеп, өйрәнеп куюның зыяны булмас,-ди район кулланучылар хокукларын яклау бүлеге, "Госалкогольинспекция"се баш белгече Гөлнара Абдрахманова.

Ришат Җамалиев.