Апас балалары Республика Чыршы бәйрәмендә катнашты

(28 декабрь, “Апастово-информ”).

Алар әкият тамашасы карадылар. Татарстан Республикасы Рәисе Рөстәм Миңнеханов исеменнән тәмле күчтәнәчләр алдылар.

“Республика Яңа ел чыршысында Татарстаннан 17 меңгә якын бала катнашты. Тамаша карарга махсус хәрби операциядә катнашучыларның балалары, уку алдынгылары, олимпиада призерлары, иҗади бәйгеләрдә, спорт ярышларында район, республика, Россиякүләм җиңүләр яулаган, җәмәгать эшләрендә актив катнашкан балалар чакырылды. Балаларга тамаша бик ошады”, - дип хәбәр итте район мәгариф бүлегеннән Алсу Алиуллина.