Апас казнасына өстәмә акча

Узган елда алкогольле продукция әйләнешендә закон бозучы 30 кешегә барлыгы 85 мең сумлык административ штраф санкцияләре кулланылды. Алар барысы да законда каралган вакыт эчендә түләнде. Бу түләүләр тулысынча җирле казна исәбенә керә һәм шул авыл җирлегендә кулланыла. Быел да хокук сакчылар закон сагында, атна саен урыннарга чыгып һәм юлларда уннан артык төрле тикшерүләр уздырыла. Халыктан кергән хәбәрләр буенча көне-сәгате белән чаралар күрелә. Мондый мәглүматларыгыз булса, алар турында "Халык контроле" сайтында сез дә үз хәбәрегезне урнаштыра аласыз. Былтыр апаслылардан бу сайтка әнә шундый 5 хәбәр керде. Быел сайтка куелган ике хәбәр буенча оператив чаралар башкарылды. Алар расланган очракта хәбәр итүчегә дәүләт премиясе дә түләнә.