Апас музеена яңа күргәзмәне күрергә килегез!

Апас үзәк музее залында якташыбыз, Түбән Биябашта яшәп иҗат итүче һәвәскәр шагыйрә, берничә китап авторы Фәүзия Вәлиеваның кызы, Апас халык театры рәссам-бизәүчесе Илсөяр Вәлиеваның шәхси күргәзмәсе ачылды. Биредә җирле талант иясенең карандаш, акварель белән ясалган 30 иҗади эше тупланган. Бик күпләр анда үз-үзләрен таный. Автор шәхси заказлар да кабул итә. Әле генә бу күргәзмә белән район ветераннар Советы активистлары да танышты. Бик ошаттылар. Күргәзмәне Сез дә килеп бер күрегез!

Ришат Җамалиев.