Апас районында көнбагыш уңышын җыю бара

Быел май сыгып алу өчен көнбагыш районда барлыгы 1500 гектарда чәчелде. Бу кырларда көнбагыш орлыгының өлгерүен тизләтү өчен махсус препаратлар кулланылды. Бу бик табышлы культура-узган елда, мәсәлән, "АгроАктив" хуҗалыгында аны 500 гектарда чәчкәннәр иде. Шул кырлар хуҗалык кассасына 25 миллион сум чамасы табыш кертте. Быел Болынбалыкчы, Кормаш кырларында көнбагыш 800 гектарда игелде. Инде аның уңышын урып-җыю башланды. Бер гектар уңышы әлегә 25 центнер, былтыр 23,5 центнер иде.

Ришат Җамалиев.