Апасның үз “морж” лары бар

Апаста кыш көне бәкедә су коенучылар арасында районара юллар идарәсе хезмәткәре Рамил Гатиятов белән эшмәкәр Ленар Әхмәтов та бар.

-Бернидән курыкмаска гына кирәк-диләр бу ир уртасы егетләр.-Эчке рухи әзерлегең, күңел пакьлыгы да бик мөһим. Узган елларда күрше районның Фролово янындагы, быел Раифа монастырендагы күлләргә барып, тиешенчә әзерләнгән бәкедә су коенып кайттым,-ди Рамил үзенең бу шөгыле турында. -Раифа күлендә быел су коенуым аеруча истәлекле- тирә-юненә боздан бик тә матур скульптуралар ясаганнар. Кичләрен төсле утлар белән яктыртыла алар-карап торуы ук искиткеч!