Апаста 9 май бәйрәме программасы

9 Майда халкыбыз Бөек Җиңүнең 72 еллыгын билгеләп уза. Шул уңайдан районда да киң күләмле чаралар каралган. "Үлемсез полк" узу сәбәпле 7.30 -11.30 сәгатьләрдә Октябрь, Кызыл Армия, Муса Җәлил, Совет урамнарында машиналар йөреше чикләнә. Хезмәт коллективлары, балалар, укучылар барысы да 8.00 сәгатьтә "Алтын алка" Боз сарае янына җыела. 9 Май парады һәм "Үлемсез полк" биредән башланып китәчәк. Батырлар мемориал комплексы, соңыннан район мәдәният йорты каршында эчтәлекле чаралар үтәчәк.