Апаста ике җиңел машина капланган

Юлларда кар көртләре, урыны белән бозлавык. Шоферлардан икеләтә сак һәм игътибарлы булу таләп ителә. Юлларда идарәне югалтып транспорт һәлакәтенә юлыгучы шоферлар да бар. Әлмәндәр һәм Әҗем авыллары арасында "14"ле машинасы идарәне югалтып, юл читенә төшеп каплана. Шонгаты авылы янында "УАЗ" машинасы хуҗасы шундый ук һәлакәткә очрый. Шоферлар үзләре сау-сәламәт. Техникага сизелерлек зыян килгән. Юлларда сак булыгыз! Иң мөһиме - ашыкмагыз, үзегезнең һәм сезнең янәшәдән баручы юлчыларның гомерен бәяләгез!