Апаста җир сукалау эше дәвам итә

Чурибураш авылы янындагы кырда да туңга сөрү эше дәвам итә. Равил Абдуллин "Беларус" тракторы белән беренче сменада эшли. Ә кичен аны Шамил Заһидуллин алмаштыра.
-Иртәнге алтыда эшкә чыгам. Икенче смена иртәнгегә кадәр дәвам итә. Норманы арттырып үтәргә тырышам. Техника эшләп торса, һава торышлары уңай булса, хезмәтнең авырлыгы юк. Яңа тракторга утырганыма 6 ел вакыт узды. Аңа кадәр дә шофер булып эшләдем. Туган як кырларында хезмәт итү үзе ни тора, - ди Равил.