Ай саен уртача 2 миллион сум

-Спиртлы эчемлекләр сатуга рөхсәте-лицензия булган "Татспиртпром" район база-склады, район үзәгендәге һәм авыллардагы 86 кибетләрдә ай саен уртача 1,5-2 миллион сумлык алкогольле эчемлекләр, сыра сатыла,-ди Апас "Госалкоголь» инспекциясе вәкиле Гөлнара Абдрахманова.-Бу сан елдан-ел кими бара. Бер үк вакытта өйдә көмешкә җитештереп сатучылар саны артуы күзәтелә. Шикле спиртка су кушып контрафакт аракы җитештереп, яки өйдән аракы сатучы берничә апаслыны ачыкладык. Аларга җинаять эше кузгатылды һәм суд каравына җибәрелде. Бу кәсепчеләргә бик кырыс карарлар чыгарылды.

Ришат Җамалиев.