Хыял

Бер мизгел эчендә без

Бер-беребезне ошаттык.

Бәскә төренгән бу көндә

Бәхетне бергә таптык.

Бәхет безнең чиксез иде,

Шуңа да уйлап куям.

Мин карашыңнан туңам,

Карлы-бозлы җыр булам.

Әкияттәгедәй бу төндә

Икәү хыялга киттек -

Бер-беребезне җитәкләп

Җәннәткә барып җиттек.

Ашадык без шунда алма

Ике кешегә бүлеп.

Шул чакта исебез китте

Гөнаһлы дөньяны күреп.

Бары бер сүз искә алма

Безнең бу истәлекне.

Инде күпме уйласак та,

Ул бит хәзер юк инде.

Дамир Сөләйманов, Коштавылы.