Инсультны ничек кисәтергә?
«Көн саен неврологка инсульт кичергән 5-6 кеше мөрәҗәгать итә. Практика шуны күрсәтә», – ди Алабуга үзәк район хастаханәсенең 20 еллык стажы булган табиб-неврологы Ксения Баһаветдинова. Ксения Баһаветдинова инсультны кисәтү чаралары турында сөйләде. Бу турыда Татарстан Сәламәтлек саклау министрлыгы хәбәр итте.
«Инсультны профилактикалау – ул куркыныч факторларын киметү. Куркыныч факторлары идарә итеп булмый торган һәм идарә ителә торганга аерыла. Беренчесенә яшь һәм җенес (яшь: 50 яшьтән соң; җенес: ирләр 40 яшьтән соң). Икенчесенә факторларга кеше контрольдә тота ала торган факторлар керә», – ди Ксения Баһаветдинова.
Яшь белән җенесне кеше үзгәртә алмый. Ә идарә итеп була торган куркыныч факторлары түбәндәгеләр:
- Тәмәке тарту. Хәмер. Тәмәке тартудан һәм спиртлы эчемлекләрдән баш тарту – иң яхшы профилактика.
- Кан басымы (артериаль басым). Һәр кешегә үз кан басымын белергә һәм, һичшиксез, аны тикшереп торырга кирәк.
- Гликемияне контрольдә тоту.
- Гиподинамия. Физик активлык аз булу. Хәтта иң гадәти 10 минутлык физик зарядка да йөрәк-кан тамырлары авырулары белән «танышуны» озакка күчерәчәге күптән расланган. Тикшеренүләр күрсәткәнчә, физик актив булмаган кешеләр белән чагыштырганда, физик актив кешенең гомер озынлыгы 5 елга арта.
Чыганак: https://intertat.tatar/news/insultny-nicek-kisaterga-5857236
Следите за самым важным и интересным в Telegram-каналеТатмедиа
Нет комментариев