Иске Йомралы җирлеге балалары Кыш бабай кулыннан бүләк алды

(28 декабрь, “Апастово-информ”).

Балалар бакчалары, мәктәпләрдә Яңа ел бәйрәмнәре уза. Бакчага йөрмәүче нәниләр дә читтә калмый.

“Иске Йомралы авыл җирлегендә бакчага йөрмәүче 10 бала яши. Татар Пучинкәсе, Карабай һәм Йомралы авылларында яшәүче балаларга Кыш бабай һәм Кар кызы бүләкләр өләшеп чыкты. Мәдәният хезмәткәрләре әнә шундый күңелле мизгелләр бүләк иттеләр. Алар балаларның күңелләрен күрделәр, шигырьләр дә сөйләттеләр”, - дип хәбәр итте җирлек башлыгы Рамил Моратов.