Җитәкчеләр бүләкләнде

Бик тә каты буран көннәрендә районның электр челтәрләре коллективы тәүлек буе эшләде. Утсыз калган авылларны тиз арада утлы итте, район халкы утсыз калмасын өчен бар көчләрен биреп эшләделәр.Чираттагы шимбә киңәшмәсендә район башлыгы Рәшид Заһидуллин район электр челтәрләре коллективы җитәкчесе Ленар Гаффаровка барлык район халкы исеменнән олы рәхмәтен җиткерде. Шулай ук күркәм юбилее уңаеннан Татарстан Республикасының Дәүләт Советы рәисе Фәрит Мөхәммәтшин, район башлыгы исеменнән Рәхмәт хатлары һәм бүләген тапшырды.